遊樂場

小芍蕎大約十個月左右就識得行路，好快已經行得好快，有陣時，Tony會帶小芍蕎到樓下的遊樂塲玩耍。

周圍走，圍着欄杆四圍轉，

抱着樓梯又係四圍走，

當然最喜歡拿着爸爸的水壼一齊影相！

破壞王

又一次證明，小芍蕎的破壞指數已達致十級了。

阿女、阿女，希望妳大個D，自已識得執返好所破壞的物件。

生日禮物

生日徐咗有party，仲梗係有禮物啦！多謝各位姑婆、好友及公公婆婆的禮物。

呢個就係公公婆婆送給小芍蕎的小型機械人，它的叫聲跟小芍蕎的笑聲好相似、仲有一個remote去控制，可以行前行後。

另外，好友Queenie亦送了一頂可愛的帽子給小芍蕎，不過要千辛萬苦才可以戴上。

反而作為父母的我，竟然忘記買禮物給她，不過，我哋對她的愛已經超越物質之上。等出年再送妳一份大禮物啦！

生日派對之下集

生日派對之最後一部份，就係切蛋糕。呢個蛋糕係一間連鎖店的其中一個款式，有一對BB鞋仔，裹面是黑森林蛋糕，亦是小芍蕎爸爸喜歡的味道。

小芍蕎幾興奮同雀躍，

大伙兒一齊唱生日歌，

好開心呀！大表姨都係生日，她的兩個女兒都開心得攬住佢唔放手，

有姑婆生日，加上其老公及仔仔的合照，

亦有姑婆生日，加上表姨及小芍蕎的合照，

小芍蕎很緊張地等待切餅儀式，

姑婆很細心的為小芍蕎著好口水肩，

當然唔小得全家福合照！

咁就過了一個愉快的晚上！

生日派對之中集

小芍蕎的一歲生日派對，其實是同她的姑婆、表姨表一齊慶祝。因為她們的生日跟小芍蕎都是差不多，所以就一齊搞大佢！當然，年紀小小的小芍蕎，唔知道點解會有咁多人會在一起。

當晚，我們安排BBQ作為慶祝。而一眾小朋友就係兒童遊樂場玩耍。小芍蕎好似對呢度好新鮮，周圍走、拍拍玻璃門、
試玩跳飛機，

珠算都識喎！

仲有過三關，

學數字、加減乘除，

真係玩到溜漣忘返！

原來，我都唔知道自己的club house有咁多設備給小朋友玩耍。

生日派對之上集

小芍蕎轉眼巳經一歲了，我都是係帶佢係自己屋苑club house的兒童遊樂園去玩。其實，正確來說，仲差幾日就足一歲了。

以下這個是大表姐的姐姐，負責照顧細妹，亦即是小芍蕎的細表姐。

細表姐大約四歲多，有一個姐姐，暫時年紀同小芍蕎最接近，而且佢都好鐘意食野，每次食飯時，佢會第一個坐係度等開飯！

當然，小芍蕎的細表姐亦深得媽媽的遺傳，是一個漂亮的小美人。希望將來她們都要相親相愛！

新的形像

今年的冬天，有陣時都幾凍呀，尤其是我們住係天水圍，新界的西北位置，比市區起碼凍兩至三度氣溫，都幾難頂。大人都話好D，細路哥就驚佢發燒，咁就好長手尾啦！
屋企內，都要著成套衫，幫佢保暖，

所以，小芍蕎都嚴陣以待，成套冬裝，加上毛毛鞋，來迎接寒冬！

成個暖晒！

破壞小公主

小朋友的精力、殺傷力、戰鬥力，都是十分驚人；可以超乎我們的想像。而我屋企暫時就有一個小小破壞王 - 小芍蕎。

睇睇佢，人仔細細，又要玩個大大個的環保袋同電話，

坐係地墊上發"牛豆"，

之後跑去大門口去玩，真是十分污穢，

又將電話分體，

唉，真是一個超級破壞王！希望佢大個D之後，會變返斯文D，唔好咁粗魯，要似一個可愛的小女孩！

動作敏捷

我自己覺得小芍蕎身手非常靈活，唔駛教佢，佢自己就可以係梳化上跳下來，以下是示範動作。首先在梳化上，準備轉身，

然後趴開雙腳，

用屁股著地方式，背向梳化，

一隻腳仔已經離開梳化上面，

下身已經離開梳化，準備落地，

差D就可以到地，雙手捉著梳化面，

成功著地，仲回頭對住我。

阿女，你係得喎！不過，換來要成日睇住呢隻小馬騮！

搖籃組的教會生活

初生至三歲的小朋友，都會留在圖晝房內崇拜，當然，咁細個的小朋友只會玩玩具、周圍走 、又或者開餐醫肚。小芍蕎自己都可以一個人玩玩具，陶醉咁係佢世界裹面。

後面係森叔叔，佢都係搖籃組導師。

玩到倦倦地，就坐係地墊上，

再接再勵，又玩玩具，仲有澄澄哥哥，

無端端擺出S形，好似纖體廣告咁喎，

一齊黎張合照，大家一齊笑一笑。