床仔太細...

小朋友的生長速度是很快，特別是初初的幾個月，無耐就要換奶嘴、着大一過碼的尿片、和尚袍仔等。話咁快，小芍蕎差不多成十個月，自己可以扶着其他嘢來行路。

而家我哋就要同小芍蕎換過張新床仔。呢張床仔係教會一對夫婦送贈，因為他們的囝囝(展亮哥哥)已經唔啱用喎！

現在小芍蕎可以自己企係度玩氹氹轉，
仲識得用雙手扶着圍欄，係咪有D殺死人嘅眼神呢！
而家我哋發現小芍蕎夜晚瞓覺時，會360度打轉，真係十分反瞓。所以，究竟買張大D嘅BB床定係小童單人床好呢? 希望快取D攪掂，若果唔係小芍蕎，就要同我哋一齊瞓啦！咁樣嘅話，我哋兩個就唔會有好覺瞓啦！

沙灘遊

話說中秋節假期是在星期一，所以我哋一家三口就去咗沙灘玩，亦都是小芍蕎的第一次。我哋去咗黃金海岸嘅沙灘，由我哋屋企揸車去，大約幾個字就到。大約十點幾出門口，唔駛十一點就到達，仲可以選擇有樹蔭的地方！

婆婆買了一件泳衣俾小芍蕎，只是十元，現在大派用場啦！當然唔少得沙灘玩具。

我同小芍蕎一齊玩，

小芍蕎自己玩，

正在教小芍蕎點樣去玩沙，

小芍蕎的泳衣照，

其實小芍蕎當日狀態一般，對沙灘同海水都唔係好鐘意。

徐咗同媽媽合照，當然有同爸爸合照，
小芍蕎的露齒笑容(只不過得一隻牙仔)，

依D叫做笑到見牙唔見眼， 正正经经的合照，最後梗係全家福啦！

八號風球的晚上

期待打風的日子快Ｄ嚟到，因為天氣實在太悶熱，我公司本身在機場，簡真好似焗爐一樣。當天文台宣佈會在六點前掛八號風球，公司就大約四點叫同事分批離開。因颱風迫近，所有巴士不可以使用汀九橋，又要繞路行，跟着趕着去街市買餸，返到屋企都已經成六點半了。

亦因為打風關係 ，我沒去探望小芍蕎，結果我哋二個人就享受一餐豐富的晚餐，有成三餸一湯！

平時晚上，樓下都有很多車和人，但嗰晚成係街都無車，又無人，真是十分冷清！

而Tony諗住第二日起碼有半日休息，所以打機到凌晨三點幾，點知早上六點半就改掛三號風球，所以佢就加啱一對熊貓眼返工！

設計對白

若果帶小芍蕎返教會，她會被編在"搖藍組" 內，他們的主要對像是三歲以下的小朋友！而在"搖藍組" 內，暫時小芍蕎年紀最小，不過很快就會有其他小朋友出世，到當時，她就會變成大姐姐了。這個便是澄澄哥哥，現在讀緊幼兒班！

這個是我想出來的無聊設計對白 -

澄澄哥哥：求你應承我！

芍蕎妹妹: 做乜事呀？

澄澄哥哥：應承同我去街！
芍蕎妹妹: 點解呀？

澄澄哥哥：因為從我第一眼見到你，就好想同你去街！
芍蕎妹妹: 不過我要問過媽咪先得！
澄澄哥哥：好呀！我等妳的好消息！

芍蕎妹妹: 遲D覆你啦!

以上設計內容，純屬搞笑！如有雷同，實屬巧合！

小芍蕎的樣子

係小芍蕎未出世之前，教會的弟兄姊妹叫我哋記得買個好D的相機，去拍下她的一舉一動，因為普通的儍瓜機，解像度及拍攝功能唔能夠和其他單鏡反光機相比。與及很難捕捉小朋友的動靜，因為他們常常郁來郁去、無時停。

這張相是用單鏡反光機去拍攝，又真係幾靚喎！
唔知道小芍蕎將來是否一個美人胚子呢？

大腳板與小腳板

相信很多父母都會常盡方法去令自己的子女去哈哈大笑！買玩具、扮鬼臉、騎牛牛等。話說有日，我同小芍蕎係度玩，初頭都無乜反應，

不過，無耐佢就開懷大笑，
睇吓小芍蕎，笑得真係十分燦爛！所以我認為應該要多D同BB要有"親膚活動"，去促進我們的關係！

小芍蕎與表姨姨

現今社會，大多數父母都只是生一個或二個，唔似我哋嘅爸爸媽媽一代，有很多兄弟姊妹！我嘅爸爸媽媽分別都有七兄弟姊妹，所以每逢過時過節，都起碼要成幾枱才可以食飯！所以，我都有成差不多兩打的表兄弟姊妹！理所當然地，小芍蕎都有很多的表姨媽、表姨、表舅父、表叔叔等。而年紀最小的表妹，今年都只得九歲！

小芍蕎和她的表姨姨合照，她們三個最老友，可盈、祈祈及禧禧表姨姨，大家年齡差不多！雖然年紀小小，都要做個好榜樣！

北海道之旅遊篇 (四)

其實到北海道，去到熊牧場，D熊仔(應該係大熊仔，它們的身高、重量都大份過我) 識得做"請請"，真係好cute！
去到火山口，原來它的味道，正確是硫磺味道似放屁的味道，又真係幾得意！

相信是整個行程最豪的一餐，有鮑魚、

神户牛扒 (仲有世出紙)、
差不多一小件成百幾蚊，都幾貴！

最後一夜，導遊安排了一間有全身按摩椅的房間俾我地，真係爽、爽、爽！
最後一天都只不過隨便觀光，但天氣很寒冷及有雨！有D掃慶！

來到差不多北海道之旅尾聲，總共一大二細行李箱，仲有hand carry 嘅夕張蜜瓜及急凍鱈長蟹，這個旅遊真是十分滿足！

北海道之旅遊篇 (三)

又繼續北海道之旅，一大清早去大倉山，是日本冬季奧運會的地點，當然要企起最高位置影相。

從另一角度拍攝，

其實仲可以自費坐吊車上去望落山的感覺，因為我哋覺得無乜特別，所以影張post card 作留念。

從高處望下去，蔚藍的天空，整齊的樓房，




究竟香港幾時可以再見到藍天白雲呢？

轉眼間，到達"白之戀人" 工廠，

以前朱古力的poster，唔知秀雲EE要不要作參考呢?

很華麗的佈景，

專用來飲咖啡的杯楪，

連着"白之戀人"工廠，原來是一間玩具博物館。

巨型的小飛俠，

外邊更加是十足十皇室的御花園，

好似公主係盛堡內，

在童話故事書出現的盛堡，

到了午飯去海鮮市場開餐，活生生的長脚蟹，要12600日元，折合港幣要成几百幾元。

最重要同佢拍照留念，

都幾重手！

開餐啦！

最終order了長腳蟹，雖然貴D及害怕敏感，但點都要試試！

啖啖肉，
好鮮味！

飯後到小樽散步，

小樽運河，

晚上住在温泉酒店，穿上和服的我，

我係日本大男人！

飯後有煙花表演，很浪漫呀！

不同顏色的煙花，

浸完温泉又大覺瞓啦！