表情多多

小芍蕎越大個，就越來越多不同的表情；雖然佢都唔知道佢嘅表情有咩嘢特別，但係都希望留低佢嘅倩影，作為紀念。

開懷大笑，

很陶醉的笑容，

天真無邪的表情，
笑到碌地，

真係一個表情十足的小演員！

嫲嫲和小芍蕎

小芍蕎其實都唔太怕生保，可能公公婆婆每日都會帶佢去飲茶啩！自從小芍蕎世生後，差不多每個月都要返嫲嫲屋企，等嫲嫲可以見吓佢！

雖然路途遙遠，由天水圍坐巴士到灣仔，最小要成一個鐘，所以都十分疲倦。 最後和嫲嫲來個合照，一二三，一齊笑！

捐枱底

小芍蕎由初初識得用脚行路後，便慢慢扶着身邊的東西開始學行路，其中一樣就是扶着飯枱來行；而公公婆婆家裡是用傳统的摺枱來食飯用。只要將枱一開，小芍蕎就會扶着摺枱的支柱，四周圍捐來捐去。

有時又會坐係地上，玩吓相機套，

一邊行，一路氹氹轉，

睇吓佢幾開心！

不過，婆婆話小芍蕎最多係農曆前就唔會再捐枱底，因小芍蕎嘅高度已經超過飯枱，咁樣佢自己會撞到頭，所以佢會搵另外一樣東西來代替。

吃水果

記得小芍蕎自己可以慢慢站起來，她十分喜歡到生果藍攞水果，以下就係一個好例子。首先攞咗個橙，仲要攬實唔放添。

跟住蘋果都攞，

然後到開餐時候，一啖橙、一啖蘋果，真是十分滋味！

不過，最重要是先批皮，才可以吃到果肉！

壞習慣

同身邊的媽咪級傾計，發覺小朋友有幾樣壞習慣，例如不停搣紙巾、亂拋東西。小芍蕎當然唔會例外，而她的嗜好是拋報紙。

每次睇完報紙後，公公會用報紙袋將報紙入好，然後排列成整齊的一叠。 而小芍蕎會從高開始，將一袋袋報紙攞下來。

再繼續努力，

差不多到最後尾聲，

佢自己將所有報紙推開後，一係坐係度等你或者走開自己玩。

不過，我會盡快教導小芍蕎要養成收拾東西的好習慣！

營養餐單

見到Nikki的blog，成日都有唔同嘅晚餐，我都要upload小芍蕎的營養餐單。好似以下一碗就係菠菜雞肉蜆殼粉。



真係要多謝教會嘅媽咪及其家中的姐姐(即係家庭傭工)的不同，咁小芍蕎就有唔同口味的新嘗試！

第一次自己坐車

小芍蕎大約十個月左右，佢就可以自己一個人坐一個位，嗰次由爸爸開車，我同小芍蕎坐係後排。要令到佢坐得定定地，當然梗係出法寶啦，咪就係相機套！其實我哋無買到baby car seat俾佢，因為我哋唔成日開車、又唔知佢慣唔慣，所以，好多時都係抱住佢，咁就方便D！

中途梗要影吓相作為留念，

做乜黑媽媽嘅？原來係收費亭交緊隊道費，

咁當然要同小芍蕎嘅第一次坐車影相為証。

濕毛雞仔

因為公公婆婆家裹比較細，所以並沒有BB床，而小芍蕎就瞓係我以前的單人床。雖然BB床有圍欄，但是公公婆婆已經係我原本嘅單人床四邊加上軟墊，咁就十分之安全。可能係單人床始終比BB床嘅size較大，小芍蕎可以係床上做很多事都可以。


例如打關斗、

攞住自己嘅鞋仔，又玩一番，

玩到興奮時，仲會流晒汗，變成咗一隻"濕毛雞仔"！

向左走、向右走

平日星期一至五，小芍蕎就會由公公婆婆，跟他們一齊住。在公公婆婆屋企裏，放置一張三座位的木梳化，而每個位置上都有一個"福"字。

有陣時候，小芍蕎會坐係梳化上玩，


又或者走到另外一邊，

一時又會跑回頭，

左邊右邊走唔停，

走得倦時，又會扶着梳化椅邊再走過，

甚至乎想爬上去(真係驚險萬分)，

小芍蕎仲會面帶笑容同你講解，真係服咗佢！